88歲黃夏蕙素顏上陣玩浮潛餵魚 生死有命：珍惜剩餘時間做善事

88歲的黃夏蕙一向是精靈活潑的演藝老友記，近日就獲邀做ViuTV的《AH佛真．惜玩》其中一集的嘉賓，跟許廷鏗（Alfred）到主題公園一日遊。事前夏蕙姨知道會有「落水」環節，更特別在家中翻箱倒籠找出藍色泳衣出鏡。節目中Alfred對夏蕙姨照顧有加，又拖著她的手仔行公園，他說：「我未試過咁夠膽『拖住個女仔』周街行！」

{{hket:inline-image name="38.jpg"}}{{/hket:inline-image}}

黃夏蕙做其中一集《AH佛真．惜玩》嘉賓。（電視截圖）

{{hket:inline-image name="01.jpg"}}{{/hket:inline-image}}

黃夏蕙穿藍色短裙和許廷鏗拖手仔去海洋公園一日遊。（電視截圖）

{{hket:inline-image name="03.jpg"}}{{/hket:inline-image}}

夏蕙姨一對心心眼，話好似同孫仔拍拖。（電視截圖）

《大叔的愛》紅到去日本│黃德斌負面情緒懷疑自己患抑鬱 對鏡自責：咁嘅衰樣唔會有工作 【下一頁】

夏蕙姨笑言似拖住孫仔拍拖，「我仲榮幸啦，拖住個咁有名、又係醫生（牙醫）、又識唱歌嘅……但我唔係細細個，而係大大個就睇你喎！」今次節目主題是珍惜時間，Alfred說要珍惜當下，夏蕙姨即時有感而發，指不知自己還剩多少日子，有時間就要珍惜，更爆金句：「你年輕有為，我就盡力而為！」

節目組安排兩人與海獅零距離接觸，夏蕙姨問Alfred是否第一次？Alfred抵死說：「拖你都係第一次，何況佢（海獅）！」起初要摸海獅時，夏蕙姨都顯得戰戰競競，不過當發現一摸之下，海獅露出又乖又享受的樣子時，夏蕙姨就說：「身體唔熱嘅，摸起來滑捋捋！」及後兩人與海獅互動，齊做出撥涼、敬禮及唱歌等指令，海獅跟著他們照做，令夏蕙姨越玩越投入。

之後來到戲肉，Alfred和夏蕙姨一齊浮潛初體驗，兩人換上潛水衣，到水族館一嚐餵魚滋味。因為要落水的關係，不能化妝，夏惠姨隨即卸下妝容，以素顏出鏡，表現專業；現場亦有圍觀市民認出夏蕙姨，為她打氣。年輕時已熱愛水上活動的夏蕙姨，對浮潛未有一絲害怕，她和Alfred聽著指導員的指示，扶著浮環游出去，更放膽將頭潛落水中；餵魚時又吸引大大小小的魚游到身邊搶食，夏蕙姨開心說：「靚到不得了，啲魚好曳，成隻手指都想咬埋……」

Alfred對年過80歲的夏蕙姨仍精力充沛心感佩服，夏蕙姨聞後笑謂：「我不嬲係運動健將，只不過而家老咗啫！我冇諗過自己有88歲，同埋我心態係，唔會諗自己係幾多歲去拍嘢！」她又指對自己來說，最重要的是要珍惜時間，「人有生必有死，只係想生前做多啲事，做到『生榮死哀』……到時啲朋友唔好當我死咗，延續我精神，好似開派對咁高高興興，以我為榮，我唔想見到喊苦喊忽囉！」

撰文：衛紫敏

同場加映：【娛樂直擊】肥仔@ERROR下體慘食波餅向Edan@MIRROR報仇 謝影雪鄧俊文為Jer大打出手

{{hket:ul-video id="3965"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

愛回家│謝嘉怡飾演呂冠君自爆戲份越來越多 英進同歸蜀明互爭獻殷勤力追 【下一頁】